بوذيات تخبل( لسيد خلف العريان)

لزم ايدي الحبيـــب وكلت خلها
تموت الروح كالولي وكلت خلها
فحص ايدي الطبيب وكلت خلها
المرض بگلبي شلگ بأديه
--------------
تموت الروح واني اصيح عدله
اسلوبك يا حبيبي وياي عدله
يسويها النصيب وتجي عدله
واشگ حلكگ ترة بأثنين اديه
--------------
لساني گبال حلو الطول لگلك
احذرگ لا تگلي النوب لگ لگ
الغيرگ ما يصير الگلب لك لك
لان حبگ شريگ وياي بيه
--------------
تگول اعرف وارد اگلك احبگ
صدگ ما گلت لغيرگ احبگ
اذا گايل لغيرگ يا حبيبي احبگ
تي ان تي البس وبيدك الريموت مو بأيديه
--------------
احبگ واعتذر منگ وانا اسف
زاعلتك انا وغلطت وانا اسف
تي ان تي وحزام البسلكـــــ ناسف
وافجر الكون اذا ما ترضه عليه
--------------
يا ربي اذا نخاگ العبد عينه
وسيعه وما تحب الگحل عينه
شفته ووكعت عيني بعينه
غمزلي ومدري شصار بيه
--------------
بجيت عليگ لحد ما خلصت الدمعه
انت بحياتي دش وكمبيوتر ودمعه
اذا انت تشيل اليــــــــــوم دمعه
واني اشيل طابوكه وتضحگ عليه
--------------
اكتبلي شما ردت تكتب واردلك
بساتين بوسط گلبي ورد . لك
اروح وابتعد وازعل واردلك
لآن الگلب بيدك مو بديـــه
--------------
بدمع عيني اكتبتلك خاطر انه
والك ما يوم كاسر خاطر انه
غير انته تجيني خاطر انه
اجيلك معتني ازحوف اعله اديه
--------------
ولاني
حبك من صغر سني ولاني
عابد ومرتجي الربي ولاني
عرفت الحب انتة ولاني
وافيتج وللاسف انتي الخنتي بية
--------------
سابيني بجمـــاله اوطول شعره
انا اموت من اسمع ابيات شعره
انا بيني وبين المـــوت شعره
حبيبي اشوكت تلــــــحك عليه
--------------
صحيح بعيد بس كلبي شعر بيك
حزين وباقي بس يكتب شعر بيك
عجيبه اشلون ضل اسود شعر بيك
وانه بفركاك ماضل شعر بيه
--------------
اطلع من جفن عينك وارد بيك
واشتم عطر من خدك ورد بيك
صرت مثل لقصيده انت ورد بيك
وصرت انت النبض والروح بيه
--------------
انا المليت لبس الجرد والرث
ومثل چمرة چگارة الگلب ورث
الغني من مات جاهو ورث وورث
وانا المرحوم ورث دين اليه
--------------
حبك يا گمر ينرادله صفنه
كل ساعه افكر فيك واخذلي صفنه
اتمنى تجي وياي وتگعد بصفنا
اذا تاخذ صفر انطيگ ميه
--------------
حبل مواصلگ وياي ماطال
طيفگ لحد اليوم ما طال
وانا ودهري بغيابك ما طال
غلبني وضحك العالم عليه
--------------
سهمگ صابني للحين بعداه
قليله وگمت اصيح اه بعد أه
غيرگ ما يسوي هيج بـــ عداه
ولا يعمل عملتهگ هاي بيه
--------------
گلبي الجان الگ مسگن والگ دار
جفاگ الحزن شل حاله والگ دار
الوگت دولاب مل مني والگ دار
وانت والوگت صرتوا عليه
--------------
غرامگ بالعشگ اثر وداره
هجرت الي تعب وياگ وداره
سمعت بقيس عاف اهله وداره
عملت الضيم وهمومگ سويه
--------------
هاك اخذ الكلب بيدك حيل اطحنه
امس فوك النجم واليوم طحنه
شبدينه وبالعشك ياناس طحنه
غشيمه كلوبنه تحب الاذيه
--------------
داس على كلبي ومشه رضه وكلت ما رضه
النوب هو الزعل عمي هو الكلب مرضه
راضيته هم ما رضه بوسته هم مارضه
راضيته وما رضه متكلي شبديه
--------------
مصايب ع الگــلب نصبوا وولوا
هالبت ما نفعني بعد ولوا
حباب بلا ذنب للغير ولوا
طبعهم غدر ما بيهم حميه
--------------
وحگ الزاح بيده هبل واللات
ما ينفع اليه اللوم واللات
شما اكول الليالي السود ولت
تغبش من صباح الله عليه
--------------
هاك خيوط روحي هاك ابرها
ولو صاير بحرها ها كُبرها
الگ حسرة بدليلي ها كبرها
علي ثگلت مثل ثكلك عليه
--------------
الزمان بفرگتگ حزين حزنه
وعلى كل الحزن والنوح حزنه
تعال ع الگلب وشوف حزنه
مغيم ما صفى ومخبوط مايه
--------------
حبيبي عليك كلي منته چنه
اليگلگ نار چذب منته چنه
تعرف شيصير بيه من تجينه
گبل بابي الكلب ياخذ تحيه
--------------
ساعدوني
يهل ساعدت غير ساعد اني
ساعه فوك يصير ساعه دوني
ساعه زين يصير ساعه دوني
تروح لجتالگ وتتكبر عليه
--------------
عيوني من عيون الناس تسعى
وعلى جبدي جميع الناس تسعى
خلص عمري وبقت لايامي تسعه
خلصت سبعه وبقى يومين اليه
--------------
يهل تنشد على حالي ولوني
جنت مهيوب واحبابي ولوني
حبيبي يريد من لحمي ولو ني
اكلني وضحك الشامت عليه
--------------
وحگ الي حزامه حله بيها
اذا يصعب لغزها حله بيها
اذا بابل جميله الحله بيها
اذا جنه ع الارض يا يمه هي
--------------
رغم العناد البيك اقبل بيك
ورغم السويته بيه اقبل بيك
حبيبي اذا ما قبلت بيه اقبل بيك
ليش تتهربين يا الحلوة الوفيه
--------------
گفگ لا يمسني مستحيله
انا الما يستحي مني ما استحيله
عشرتي وياك صارت مستحيله
اضل ممنون اذا ما تسأل عليه
--------------
احبگ يا حبيب الروح گتلي
واني احبگ واموت عليك وتگلي گتلي
حبگ بگلبي مثل ماي الي بالگتلي
انت مرتاح واني الي بالنار اديه
--------------
اذوبن لو عيونگ علي تنصاد
وشما توصل لحينا صدود تنصاد
اذا انت تعرف الناس تنصاد
لعد اني الغشيم شلون بيه
--------------
اتلعثم من اشوفگ واسطگ اني
وياهو الوس وس بأذنگ وسطگاني
تگلي وينگ انت وسطگ اني
تدور بالنبض تعثر عليه
--------------
يصير اتعب واذب تعباي بالماي
من دون البلامه غرگ بلماي
انا واحد والعدوان بالماي
وهم عندگ امل ترجع اليه
--------------
ولا ساعه من الحسرات نخله
صرت مثل الزرع بالشام نخله
ولگ فسفوره وخط ونخله
عراقي وما مزور بالهويه
--------------
خلينه نرجع سوه لله مو للعمر
ياناس لولا علي لاهلگ جدنا عمر
تحصيل حاصل اذن الاسلام بيهم عمر
لا عمر ولا علي منحب احنا الطائفيه
--------------
گصت شعرها الناس بس مو مثل گصتگ
وما شفت بين البشر طولگ ولا گصتگ
ملاك انت وله بشر گلي شنهيه قصتگ
عجبني طيفگ ما يبات عجبني
وكل ما اروح لدرب الگاه عاجبني
تدري انت شنو الفتني وبيگ عاجبني
عاجبني گلگ حلو من جدمگ لگصتگ
ألرد
مفتون بيه شعجب من جدمه لگصته
هذا اعتداء ع الخلق في خلقته وگصته
عدنا ترة معجزة من يوسف وقصته
من يوم شاف الحسن همت به وهم بها
واخبرت كل البله من شافها وهم بها
مدري شنيه ترة نور وحسن هم بها
طلعت وجهها الذي الاصبع ترة گصته
--------------
اخذ عندگ گلبنا وبيه تهنا
وگل من زاد روحي وبيه تهنا
حبيبي انت هنا وبيتهنا
واعز من بيتنا جيتگ عليه
--------------
زماني ع الي اگرهه ردود ردني
ونخيته وبالدمع مگسور ردني
وما يوم حبيبي الخير ردني
اريدله الخير ويذب الهم عليه
--------------
تزعل وتسافر من غير خاطر
الك مشتاك واكتبتلك خواطر
اتحدى المصاعب والمخاطر
لأجلك بس لا تزعل عليه
--------------
مثل جنح الفراشه شفاگ ورقة
ربيع الشوگ منگ راد ورقة
اذا تنطيني بوسه انطيگ ورقه
واذا حلگ بحلگ تنطر هديه
--------------
ترد كلي بهجرك عليه من شر
سحابه وبس عليه مطرك من شر
اخذ وانطي واصير وياي منشار
ومثل ما انشد عليك انشد عليه
--------------

غايه في الروعه الدارميات كلها حلوه ولوحته هنا لحكنه التفجير هههههههه بس حلو . وعاشت ايدك على الموضوع الجميل
.. تحياتي لك اختي الغاليه وكل امنياتي