ابوذيات بعطر عنبر الشاميه اتمنى تعجبكم

ابوذيات بعطر عنبر الشااااااااااااااميه منوعه

بعد كلبي على شوكك مالحنه
بسبب عنبك جفوفي مالحنه
ابد مابيك غزر مالحنــــــــــه؟
كلت زادي ونويت تعظ اديه؟
cyclops

يحن كلبي على حبك من احبك
واخذ زهوة شبابي مني حبك
انشدك ياهو الاكثر مني حبك
حته بهالسهوله تخون بيه؟
cyclops

روحي اشتاكت لشخصك وحنيت
ولويت ظلوعي بفراكك وحنيت
وحقك جاجبت حنه وحنيت
عتبة داري لو مريت بيه
cyclops

الوكت غثانه كلش ولمانه
وتراده ووله خيره وله امانه
هدم بيت الجمعنه والمانه
وخرايب ظلت الجانت زهيه
cyclops

ابد مايوم من همك خليتان
وبعد خل ينتضر كلبي خليتان
اخبرك بالجسد ظلن خليتان
الك وحده اوهبتهه ووحده اليه
cyclops

الليالي بكاسهن حنظل حسلي
ومثل ما احسنت محد حسلي
لهجن واشرد بهدمي حسلي
ولا اشوفن حلالي وماهو اليه
cyclops

البشر لو مات كلبه ماتشوفه
وضمير الناس جنه مات اشوفه
عسن عين اللي حكلهه ما تشوفه
عمه اسود صابهه لحد المنيه
cyclops

يمن ليك الكلب يخفك ولاجن
وشوغاتك كلن عمري ولاجن
صدك تنساني يمعود ولاجن؟
هذاك انته الجنت تغفه على اديه؟
cyclops

على مودك عفت ربعي وناسي
واسد بحلوك شماتي وناسي
اذا عني غفل كلبك وناسي
انه بطرواك لسه وتدري بيه
cyclops

صرت من كثر ظيمي منخلاني
ولا شفت الفزعلي منخلاني
بعد ما احسبه صاحب منخلاني
وحيد وضّحك الشامت عليه

clown

» ابوذيه ان شاء الله تعجبكم
» ابوذيات رومانسيه
» ابوذيات حـــــــــــزينة
» ابوذيات منوعة ارجو ان تنال اعجابكم
» ابوذيات عراقية منوعة من الالف الى الياء