ابيا شرع صار الورد بارود يشتم

ابيا شرع صار الورد بارود يشتم

اوياشريعه التقبل ابهاي الشريعه

ابيا ذنب مخطوف لون النور

من وجه الصبح وانعدم قانون الطبيعه

او ليش صوت الطير غافي اعله الغصن

من شاف جدامه السمه باعت ربيعه

او كام حته الماي من خد الجرف

ينساب غفله او يتم ابهجره الشريعه

والنوارس بدّلت لون البياض

ابلون اسود والحزن كامت تذيعه

ابيا حكم حضن الكبر شمّر اذراعه

او بيه سكت للابد ضحكة رضيعه

ابيا شريعه الموت يزرك بالثنايه

او يخطف الارواح بالصوره المريعه

ابيا شريعه الوالده اتودع طفلهه

اهو جان ابعينهه الدنيه الو سيعه

او ليش واحدنه اشتره صوت الرصاص

والحمام الزاهي الابيض بالمزاد ايريد بيعه

قـــــــــــــــــــــــــــــــــــــــــــــــــ ــــــــف

قـــــــــــــــــــــــــــــــــــــــــــــــــ ـــــــف

قـــــــــــــــــــــــــــــــــــــــــــــــــ ـــــــف

يازمن كافي بعد كا في هجر كا في قطيعه

يا شجــــــــــــــــــــــــــــــــر كفكف ادموعك

يا جســـــــــــــــــــــــــــــــر عدل اضلوعك

يا نخــــــــــــــــــــــــــــــــل علك اشموعك

هاي مزنة صيف لا تنضر عليهه

او نا اريدك توكف ابحلك الزمن

سلايه صلبه او تنطي للحاقد ضريعه

انت طينة طيب بجفوف اليودك

اولليضدك صخره ما ممكن تطيعه

انت بيك المرتضه الكرار حيدر

او بيك مسنونه الشريعه

انت ذو الفقار والفقار يعني

وحده من شفراته سنه اوحده من شفراته شيعه

عضو عدد الرسائل : 44 تاريخ التسجيل : 12/06/2007

الله الله يا دكتور فلاح الزيدي كلمات روعة وأنت أروع يا دكتور الله يحفظك ونشوف منك الكثير

تقبل مروري أخوك الريحاني ...

اخوي الغالي فلاح
قصائدك تجذبني
فيها اجد اهلي وناسي
اعجز عن التعبير
لجمال ماخطة يديك
لك مني كل الود
اختك وردة

قصيدة رائعه من شاعر رائع ومميز بكل قصائدة تسلم وعاشت يداك اخوي دكتور فلاح على القصيدة ننتضر منك المزيد ونتمنى لك الصحه وطيب الخاطر .

تحياتي لك وكلب امنياتي