علي يابطل خيبر
علي الروح كبل العين تتلكاك .... واذا ماشالك ضريحك عيونه تشيلك
علي الأمة تنادي كلنه وياك .... وحك الله ورسوله ودمك وشيبك
علي ماكو بشر يكول انه انساك .... من حبك للاسلام وصبرك وطيبك
علي يابطل خيبر صعب فركاك .... وحك صبر النبي وهمك وسيفك
ــــــــــــــــــــــــــــــــــــــــــــــــــــ
علي شمعة الدين وابو الاخيار .... علي زوج البتول ووراث المختار
علي يابن الاكارم حامي الجار ....وعلي ليث العرب ابد مايحتار
علي يلوك الاسم حيدر الكرار .... وعلي ببدر وحنين الهازم الكفار
ـــــــــــــــــــــــــــــــــــــــــــــ
علي اتمنى ايامك ذيج تعود .... وتبيض وجوهنه عكب ماصارت سود
وحك الله ورسوله وجعفر وداوود ... انه ما انساك ماطول على الارض موجود
ـــــــــــــــــــــــــــــــــــــــــــــ
علي انت الولي ماكو واحد ينكرك .... وتضل كلوبنه طول اسنينها اتذكرك
نور الارض انت وتعرفه قدرك .... علي يابن الهواشم نعرفه اصلك
ـــــــــــــــــــــــــــــــــــ
على شمس الشموس وابو الليثين .... وعلي بدر البدور وضوه العينين
علي نبتت الطيب بين نهرين .... وعلي كلمة الحق مابين طورين
ــــــــــــــــــــــــــــــــــــــ
علي بمقتل حسين الكلب واساك .... ويندب ياعلي ويصيح وينك
علي بطول العمر احرس انا ذكراك .... وعلى الاسلام انا ادري بحنينك
موضوع: قصيدة( علــــي يابطل خيبـــر) 
15/6/2007, 19:35
